Sujet 2004

Sujet 2000 Sujet 2001 Sujet 2002 Sujet 2003
Sujet 2004 Sujet 2005 Sujet 2006 Sujet 2007
Sujet 2008 Sujet 2009 Sujet 2010 Sujet 2011
Sujet 2012 Sujet 2013 Sujet 2014 Sujet 2015
Sujet 2016 Sujet 2017 Sujet 2018 Sujet 2019
Sujet 2020 Sujet 2021 Sujet 2022 Sujet 2023
Sujet 2024

YYNESTÄCHE
DUURESCHLOO
IIBEREZIE
UND AABELOO

Zwai beesi Knaschti sin nit doof,
verschwinde z`Basel im Wooghof,
gar nit hän sie miese schwitze,
nur e Loch duur d`Muure spitze,
es sait ne nyt in d`Kischte z`hogge,
drum mache si sich ab uff d`Sogge.

Nit so guet isch s`Gfängnis baut,
me hett de lätze Lyt vertraut,
uusbruchsicher isch`s nit gmacht,
es wird au zweenig iberwacht,
d`Schugger - chönne nur no flueche,
mien beidi Knaschti wider sueche.

Dermit`s nit nonemool duet basiere,
will me s`Stroofrächt reformiere,
d`Justiz die will jetzt umsverregge,
nur no schwääri Fääl verstegge,
nit nur strooffe und verwalte,
dr Strooffvollzug humaner gstalte.

Wär hogge mues dä wird verbunde,
eleggtronisch g`fesslet am Bai ganz unde,
dr Freigang - dä wird iberwacht,
in dr Kischte hogge muesch nur z`Nacht,
duesch nur schlooffe deert im Näscht,
s`isch wie im Dienscht - dr lyycht Aräscht.

D`Häxe sin nit fir so Sache,
erlaube e andere Voorschlag z`mache,
dr Wooghof aifach offe loo,
wär will ka denn duur d`Diire goh,
sait nur heeflig - Tschüss und Tschau,
Basel diggt anderscht - mir Häxe au.

d Häxe