Dail 2

Minderi Subventione vom Comité
schmeggt uns wie laue Thee.

Viel kasch dermit nyt mache
Nai, es isch zum Lache.

Muesch nyt neis yystudiere
me duets e nyt gutiere.

Drum gseht me uns im alte Glaid
Exgyysi liebs Comité, s duet uns laid.

Doch luegsch gnau umme
sinn nyt nur miir die Dumme.

Do harzts ganz fescht bi dr UBS
d Manager kemme aarg in Stress.

Ihri Laischtig isch….. ohni
bikemme Zueschuss und grossi Boni.

Blääche duet das dr Staat
mir Häxe finde das schaad.

Drum jetz erscht rächt
stiege mir ins zwaite Gfächt.

Fortsetzige wärde maischtens erfolgryycher
mache ihri Erschaffer immer no ryycher.

Au miir profitiere dervoo
Denn aine hämmer immer no gnoo.

                              … Fortsetzig folgt